Bayani Game Da Tsiro, Kololo Ko Kumburi A Cikin Nonon Mace

Assalamualaikum warahamatullah Dr Allah ya Saka da alkhairi ya biya ku da alkhairi.

Dan Allah me yake kawo mace taji Wani qululu a breast dinta?Kuma me zata Sha ya baje,Amma baya ciwo.

Amsa

Jin ƙololo ko tsiro ko wani ƙurji a cikin nonon mace abu ne mai buƙatar kulawa ta gaggawa, saboda akwai bukatar tabbatar da wannan ƙololon ba ƙololon ciwon kansa bane. 

Mafi yawancin ƙololon da ke fitowa yara ƙanana da ke kasa da shekaru 30 bai cika zama sanadiyyar ciwon kansa ba, yana fitowa ne mostly dalilin fibroadenoma, wanda da an yi aiki an cire shikenan ba matsala. 

Amma jin ƙololo a cikin nonon mace a karon farko bayan ta kai shekaru 45 yana iya nuni zuwa ga ciwon kansar nono. Sauran alamomin ciwon kansar nono sun haɗa da; ƙurjin nono, tamuƙewa ko squeezing na fatar nono, ƙololo a cikin hamata, zubar ruwa mai jini-jini daga nono da kuma rama maras dalili.

Idan ƙololo ya fito a nono, babu ingantaccen magani da ake badawa domin ya baje ko ya rage masa girma. Anayin aikin tiyata ne a cire, sannana aika ƙololon a dakin gwaji domin gane kansa ne ko akasin haka.

Print this post